Lunis, ai 21 di Zenâr, te glesie di Sante Gnese in Uanis di Dael, a lis 7 e mieze di sere, Messe in lenghe furlane pressedude di pre Mario Locascio in onôr de patrone Sante Gnese. Dopo de Messe si tignarà la presentazion dal libri «Us saludi, o Marie», cjants ae Madone cjapâts sù intai paîs de Basse furlane, ma no dome, di Flavio D’Agostini, libri edit dal Istitût pe ricercje e la promozion de civiltât furlane «Achille Tellini» Al presentarà il professôr Ferruccio Tassin. Al partecipe ae serade il Coro parochiâl di Uanis, direzût di Michele Cescutti, che al puartarà un ricuart par pre Pino Deluisa. Dopo de presentazion al sarâ un piçul rinfresc tal oratori.
